Bete beharreko arauen artean daude eskuz egindako kartelen neurriak 50 x 70 zentimetrotakoak izatea; euskarri informatikoan (Pendrive edo CDan) aurkezten diren lanak, berriz, gutxienez Din A3 tamainako paperean eta inprimatuta aurkeztu beharko dira. Obrak argitaragabeak eta originalak izan beharko dira. Erabilitako irudiek, ostera, "oreka bilatuko dute, rol eta estereotipo tradizionalak azpimarratu gabe, eta sexu, arraza, adin, kultura edo sexu-aukeraren arloan diferentzien tratamendu gutxiesgarria saihestuz.
Bestalde, kartelek derrigorrez honako testua izango dute idatzita: 2022 SAN JUAN JAIAK ARRASATE. Gainera, aurrerago oraindik erabaki gabeko esaldi labur edo jaietako leloa gehitu dakioke kartelari.
Lanak BAZen aurkeztu beharko dira, maiatzaren 10eko 19:00ak aurretik.
Bete beharreko arau guztien berri izateko, joan Udalaren webgunera.
