Pandemiak markatutako bi urteen ostean, aurtengo ospakizun erlijiosoak normaltasunez egiten ari dira fededunak Arrasaten. Gaur, esaterako, tradizio handiko Gurutze Bidea berreskuratu dute.
Gurutze Bideari dagokionez, gaur goizeko 8:00etan Portaloitik irten, eta poliki-poliki, geldialdiak eginez –Jesusen hamalau egonaldiak gogoratuz–, Santa Barbarako gaineraino igo dira Arrasateko fededunak.
Arratsaldean, Jaunaren nekaldia eta heriotza omentzeko ospakizunak egingo dituzte; 18:00etan San Juanen, 19:00etan San Andresen eta 20:00etan Santa Teresan.
Bihar, zapatua, Pazko Gaubela izango da iluntzean: 19:00etan San Andresen, 20:00etan Santa Teresan eta 22:00etan San Juanen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.