Ligako azken jardunaldian dena jokoan izango du MUk, Cantbasket talde kantabriarraren aurka 74-62 galdu ondoren. Moreek lauko finalerako txartela lortzeko aukera ederra izan zuten atzo, baina Kantabriako taldea gehiago izan zen kantxan, eta Arrasateko taldeak Baskoniaren aurka, Iturripen, izango du lauko finalerako txartela jokoan. Gainera, average-a Santanderreko taldeak bere alde izatea lortu du.
Atsedenaldi luzera MU 27-33 markagailuan aurretik joan arren, Santanderrek Cantbasket taldeak sekulako hirugarren laurdena egin zuen bere kantxan, eta laurden erabakigarrira, 56-46ko markagailuarekin joan ziren. Laurden bakarrean 29 puntu lortu zituzten Santanderrekoek, eta azkeneko laurdenean, MUk ezin izan zuen egoera irauli (74-62).
