Apirilaren 14an da Espainiako II. Errepublikaren Eguna, baina aurrez ospatuko dute Debagoieneko Ezker Anitzak eta Euskadiko Partidu Komunistak, domekan, hain zuzen, "Aste Santuko ospakizunekin bat ez egiteko". 12:00etan, bandera jasoko dute, Riegoren ereserkia-ren erritmora eta ostean, hamaiketakoa egingo dute, musikaz girotuta.
Isabel Salud Ezker Anitza-IUren koordinatzailea Arrasaten izango da Horizonte Errepublika deituriko domekako ekitaldian, Hirugarren Errepublika martxan jartzeko "beharrezkoa" den bide-orriarekin."Benetako demokrazia behar dugu, maila politikoan, ekonomikoan eta sozialean Estatuaren plurinazionaltasuna aitortzen duena, sozialismora bidean".
Ezker Anitzak eta Euskadiko Partidu Komunistak "botere publiko indartsua" daukan estatu bat eraiki gura dute, "demokratikoa eta herritarren eskubide eta askatasunak babesten dituena, bereziki langile klasearena, monarkiaren alternatiba moduan".
