Apirilaren 8an, egubakoitza, 17:00etatik 19.00etara egingo dituzte Ignacio Zuloaga kaleko 2. zenbakian egin duten beilatoki berria erakusteko saioak. "Beilatokia bazkideen eskariari erantzuteko eraiki da, kokapen hurbila, modernoa eta prezioan doitua izateari dagokionez, azken igarobidean maite dituzten pertsonen agurra eta bela egiteko", azaldu dute.
Debagoiendar guztiei eskainiko dio zerbitzua beilatoki berriak, "pertsona bakoitzaren gurtza, sinesmena eta hileta-erritua alde batera utzita, bereziki San Felipe Elkarlaguntzako bazkideei, deskontua baitute erabiltzeagatik".
San Felipe Elkarlaguntzarena izanik, Ojanguren Hileta Zerbitzuak ehorztetxea izango da beilatokiaren jarduera garatuko duena hurrengo 20 urteetan, bien artean sinatutako hitzarmenaren arabera eta 2020ko urtarrilean sinatutako hileta-zerbitzuen kontratuaren osagarri gisa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.