EBA mailako AA taldean lehiatzen ari da Arrasateko taldea. Atzo, Santurtzik matematikoki lortu zuen taldeko lehen postua, beraz, mailaz igotzeko faserako txartela lortu du. Fase horretarako beste bi txartel daude jokoan orain. EBA mailako AA taldeko eta AB taldeko 2. eta 3. postuan sailkatzen direnen arteko lauko finalean erabakiko da hori. Beraz, lehiaketa bigarren edo hirugarren amaitu behar du Mondragon Unibertsiateak lauko finalerako txartel hori eskuratzeko. Asteburu honetan, bigarren eta hirugarren postu horien jabe izan daitezkeen Baskoniak eta Cantbasket taldeek galdu egin dute, beraz, gaurko garaipenarekin bigarren dira une honetan Arrasatekoak.
Hurrengo partidua Santanderren jokatuko dute arrasatearrek, aurkari zuzena den Cantbasketen kantxan. Lehiaketako azkena, berriz, apirilaren 23an, etxean, Baskonia talde sendoaren aurka.