Guztiontzako irekita dagoen laugarren pandero festa izango da gaur Kulturaten. Eskarmen- tu handiko Eugenio Gisasola Lutxurdio pandero-jolea gonbidatu dute. "Pandero-jole oso estimatua eta trebea da. Jende askorekin jo izan du, Lajarekin, Epelderekin, Izerrekin... Debagoieneko trikiti jaialdietan izandakoa da, baina oraingoan, gertutik ezagutuko dugu, eta pandero dantza jotzen ere irakatsiko digu", dio Arrasateko Trikitixa Eskolako zuzendari Maixa Lizarribarrek.
Bi taldetan banatuta, ordubeteko saio bana egingo dute. "Irrikaz daude ikasle guztiak Lutxurdio-ren ikasgaiak jasotzeko. Ondoren, Kajoi tabernaraino joango gara, gure ikasle diren Mirarik, Maddik eta Izarok emanaldia egingo dute eta".
