LKSren egoitza gogoetarako eta errealitateko kasuak gertutik ezagutzeko gune bilakatuko da gaur arratsaldean. ISEA garapen teknologikoa, berrikuntza eta ekintzailetzaren bitartez enpresen lehiakortasuna hobetzeko ahaleginean diharduen zentroak Gauzen Internet (IoT) aplikazio esperientziak jardunaldia antolatu du.
Saioaren izenak dioen bezala, topaketak kasu errealak gertutik ezagutzeko aukera emango du. Zehazki, Errekaren –Arkaitz Etxezarreta–, LKS Nexten –Juanjo Rodriguez– eta Vehooren –Fede Aranbarri– bizipenez eta beren enpresek "Gauzen Internetaren" inguruan egindako aplikazioez entzuteko aukera izango dute bertaratuek.
Izen-ematea, zabalik
Interesa duen orok izango du saioetara joateko aukera, eta jardunaldiei ekiteko ordu gutxi falta diren arren, irekita dago oraindik izen-ematea. Horretarako, aski da morobengoa@isea.eus helbidera mezu bat bidaltzea.
