Hurrengo astean bi kontzertu egingo ditu Arrasate Musikalek. Batetik, apirilaren 5ean, gitarra elektrikoko konboaren emanaldia izango da eta, bestetik, apirilaren 8an, eskolako ikasleek bigarren hiruhilekoko kontzertua egingo dute. Bi emanaldiak doakoak izango dira.
Apirilaren 5ean, martitzena, gitarra elektrikoko konboak kontzertua egingo du musika eskolan, Monterron Jauregian, 18:00etan. Ikasle guztien arduraduna Jon Garcia da.
Bestetik, apirilaren 8an, egubakoitza, Arrasate Musikaleko ikasleen bigarren hiruhilekoko kontzertua izango da entzungai 18:30ean, Kulturateko areto nagusian. "Ikasle eta instrumentu mordoxka batek parte hartuko dute", adierazi dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.