2022ko Martxoaren 8ko egitarauaren baitan, hurrengo hitzordua martxoaren 26an izango da, zapatuan, Seber Altube plazan, Emakume Txokoak antolatutako Emakume artisau eta ekoizleen azoka, hain zuzen. "Bi urteko geldialdiaren ondoren, Berdintasun sailak antolatzen duen azokan Arrasateko eta inguruko herrietako emakume artisau eta ekoizleen lan eta produktuez disfrutatzeko aukera izango da", azaldu dute antolatzaileek.
Herriko emakume artisau eta ekoizleekin egindako hausnarketa prozesu baten ostean, "azoka txiki eta bizia" antolatu nahi izan dute, "kalitatezkoa, gertukoa eta emakume artisau eta ekoizleak protagonista izango dituena", euren langintza herritarrei gerturatzeko asmoarekin, emakumeek "mimoz eta pasioz" egindako lana ikusarazteko eta herritarren eskura jartzeko.
Esan moduan, hogei postuk osatuko dute azoka. Horietatik hamalau emakume artisauenak izango dira eta askotarikoak izango dira erakutsi eta salgai izango dituzten lanak (poltsak, zilargintza, bitxiak, arropa…) . Horiekin batera, sei postu izango dira bertako produktuak (gazta, ogia, marmeladak….) eta askotariko herrialdeetako elikagaiak eskainiko dituztenak (Venezuela, Maroko...).