Alde batetik, lehen sorospeneko ikastaroak Debagoieneko Gurutze Gorriaren eskutik egingo dituzte eta, taldea osatzeko, hamabi pertsona gura dituzte gutxienez. Izen-ematea 16 euro da eta honako telefono zenbaki honetara deituz egin beharko da: 644 74 50 18. Data zehazteke dute oraindik.
Kakorratz ikastaroari dagokionez, eguaztenetan egingo dute, 17:00etan. Bazkideentzat doakoa izango da eta bazkide ez direnek, berriz, hilean bost euro ordaindu beharko dituzte. Izena emateko, bi telefono zenbaki hauetako batera deitu: 644 745 018 edo 646 36 96 25.