Astorek kamiseta teknikoa, erabilgarria, eta jasangarria diseinatu du. Era berean, ekitaldian egon ziren pilotarien iritziak eta beharrak kontuan hartuta, aurreko denboraldiko diseinuaren ildo berbera jarraitu dute. Patroi berbera erabiliz, estetika aldatu diote kamisetari. Aurreko modeloaren forma geometrikoen ordez, marra leunagoak ipini dizkiote. Kamiseta urdina eta gorria diseinatu dituzte.
Hain justu ere, ekitaldian egondako pilotarien artean, Amaia Aldaik erakutsi zuen gorri kolorekoa. Bera baita Lau eta erdiko eskuz banakako azken txapelduna. Aldairekin batera egon ziren Emakume Master Cupek antolatzen duen txapelketatan parte hartzen duten beste hainbat pilotari. Besteak beste, Enara Gaminde, Mirian Arrillaga, Miren Arraiza, Janire Arrizabalaga, eta Madalen Etxegarai oñatiarra.
Asteburuan, finalak Gabirian
Eta, hain justu ere, Laboral Kutxa Emakume Master Cup zirkuituko hurrengo finalak zapatuan jokatuko dituzte Gabirian. Eta, han egongo dira bailarako lau pilotari: Leire eta Nagore Galeano antzuolarrak, pilota mistoko promozio finalean, eta Irati Betegi aretxabaletarra eta Olatz Insausti antzuolarra, bikote eginez, gazteen finalean eta pilota goxuarekin.