Gure Eskuren ibilbidea, bere sorreratik, "ahalduntze prozesu bat" izan da. "Herriaren burujabetza helburu, prozesu kolektibo bat, alegia. Pirinioetako Bidea - Via Pirinenca ekimena hori eskaintzera dator, konexioa eta lankidetza berreskuratzeko gonbidapena. Honetarako, katalan eta euskal herritarrok, uztailaren 2an, 300 gailurretik gora argiztatuko ditugu Pirinio osoan zehar, gure herrien autodeterminazio eskubidearen alde", nabarmendu dute.
Adierazi dutenez, erronka "kolektibo erraldoi" bat dute aurrean: "Herria batu, saretu eta ahalduntze prozesu honetan, burujabetzarako bidean, salto kualitatibo eta kuantitatibo bat ematera goaz. Egin dezagun posible! Autodeterminazio erabakitze eskubidea orain! Argiztatu dezagun bidea, gailurra zain dugu eta!".