Lanak aed@aedelkartea.eus helbidera bidali beharko dira maiatzaren 8a baino lehen eta sari banaketa ekitaldia ekainaren 21ean egingo dute Kulturaten. Bestalde, azkeneko hiru urteetan bezala, AEDko kideek bi artista gazteren kolaborazioa izan dute lehiaketak antolatzeko: Kattalin Linazisoro Llodio eta Libe Argoitia Lezeta: "Kattalin hainbat urtez izan da Arrasate literatur lehiaketetan saritua eta, aurten, ilustrazio lehiaketan parte hartzen dutenak hark idatzitako Hegan mikroipuinean oinarritu beharko dira. Libe, berriz, artista grafikoa dugu eta bere ilustrazio bat utzi digu, gaztetxoek narrazio bat sor dezaten bere lanetik abiatuta", adierazi dute euskara elkartetik.
Edizioari buruzko informazio osagarria eta oinarri orokorrak Arrasate literatur lehiaketak blogean aurki daitezke.
