Mondra futbol taldearen campusa apirilaren 19tik 22ra egingo dute Mojategiko instalakuntzetan, eta klubetik adierazi dute udako campusean landutakoari jarraipena emateko asmoz daudela: futbola, joko-jolas tradizionalak, askotariko kirolak... Klub zuri-moreko campus hau 2008 eta 2013ra bitartean jaiotako neska-mutikoei zuzenduta dago (09:30-13:30, 80 euro) eta zaintza zerbitzua ere eskainiko dute (08:30-09:30). Izenematea: mondrakanpusak@gmail.com
Ointxe! saskibaloi klubaren campusa bi txanda izango ditu. Lehenengoa apirilaren 11tik 13ra bitartean egingo dute, eta bigarrena apirilaren 18tik 22ra. Hala, 2006tik 2009ra bitartekoak Ponpa + programan egongo dira, eta 2010etik eta 2013ra bitartekoak Ponpa mini izeneko programan. Hala, nagusienak Ibarra kiroldegian (Aretxabaleta) eta Musakolako kiroldegian (Arrasate) egongo dira (09:30-13:00), eta gaztetxoenak Musakolan (09:00-13:00). Hala, lehenengo asteko izenematea 50 eurokoa izango da, eta bigarrenekoa 80 eurokoa. Eta, bi txandak egiteko aukera egongo da 120 euro ordainduta (Izenemateak: kirolzuzendaria@ointxe.eus, 653 014 860)
