"Arrasaterentzat azkenean albiste on bat dago", esan du sozialisten udal taldeko bozeramaileak, Victor Fuentesek. "Esan gabe doa familia asko itxaropentsu sentituko direla, lanbide berri bat izateko aukera izango baitute". Horregatik, sozialistek Ekideri eskatu diote lanpostu "egonkorrak eta kalitatezkoak" sustatzea.
Fuentesen ustez, enpresaren proiektu berriak "eragin argia" izango du Arrasaten, eta herri horretako hazkunde ekonomikoa sustatuko du, enplegua sortuz. "Jasaten ari garen krisi ekonomiko eta sozialarekin, Ekide Group ingeniaritza proiektua oso onuragarria izango da", adierazi du. Era berean, Arrasateren eta Debagoienaren alde egindako apustua eskertu du.
