Joan-etorriak kanpainarekin herritarrak garraio publikora bueltatzeko erronkari aurre egin nahi diote; garraio publikoak pertsonen ongizatean eta bizimoduan eragiten dituen onurak balioan jarriz.
Inkestak
Arrasateko plazan aurkeztu dute kanpaina: bi dinamizatzaile ibili dira herritarrei inkestak egiten. Helburua, arrasatearrek garraio publikoaren inguruan duten ohiturak eta iritzia ezagutzea izan da.
Pandemian, erabilerak behera
Dinamizatzaile ibili den Iraitz Zugastik nabarmendu du pandemia garaian behera egin duela garraio publikoaren erabilerak. Hori horrela, "garraio publikoa segurua eta erosoa" dela azaldu du.
"Denbora aprobetxatzeko ere balio du. Autoa hartu beharrean, autobusean irakurtzen, musika entzuten, edo beste barik, deskantsatzen egon gaitezke", gaineratu du.
Gaur Arrasaten egin dute geldialdia, eta azaldu dute Gipuzkoako beste 8 herritan ere egongo direla hurrengo asteetan.