Arrasateko Udaleko Gazteria Sailak Gipuzkoako Foru Aldundiarekin elkarlanean martxan jarritako TREBA Gurasoak programaren baitan, bigarren hitzaldia izango da hau. "Programa honen helburua da gurasoekin seme-alaben heziketaren inguruan hausnartzea, eta gurasoei egunerokotasunean sortzen zaizkien kezka eta zailtasunak konpartitzeko guneak eskaintzea".
Hurrengo hitzaldiak hauek izango dira:
- Apirilak 6, eguaztena: Emozioen garrantzia familian. Nola zaindu seme-alaben emozioak. Hizlaria: Donna Apellaniz.
- Maiatzak 6, egubakoitza: Komunikazio ez bortitza. Hizlaria: Nerea Mendizabal.
Informazio zabalagoa Udaleko Gazteria Sailean eskura daiteke, 943 25 20 65 telefonora deituz, edota gazteria@arrasate.eus helbidera idatzita.
