Besaide Mendizale elkarteak eta AEDk elkarlanean antolatutako berbaldia izango da, Euskara eta natura txirikordatuz Arrasaten izenekoa. "Askotan entzun eta esan izan dugu euskaldunok harreman berezia daukagula naturarekin, gure identitatearen ezaugarrietako bat dela hori. Hala ote? Zer eragin izan du euskaldunok naturarekin daukagun harremanak gure ohituretan, gure hizkuntzan? Zein arrasto utzi du gure ahozko ondarean? Gure kondaira, sinismen, ipuin, hiztegi, kulturan, oro har?". Galdera horiek guztiak erantzuten saiatuko dira liburuaren bi egileak, martxoaren 1ean, Kulturaten.
Euskara eta natura txirikordatuko dituen berbaldia, martxoaren 1ean
Eñaut Agirre Goia filologoak eta Iñaki Sanz-Azkue biologoak euskarak naturatik jaso duena ikertu eta Gure faunari eta florari begira liburuan jaso dute. Martxoaren 1ean, martitzena, Arrasaten izango dira euren ondorioak eta liburuaren nondik norakoak azaltzen, 19:00etan, Kulturateko areto nagusian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
