Seme-alaben heziketan zailtasunak izan ditzaketen familiei zuzendutako saioak izango dira, "dela gurasoek erabiltzen duten heziketa ereduak eraginkorrak ez direlako, familia sisteman dauden zailtasunengatik (dibortzio edo banatze prozesua...), seme-alabek eskolako egokitzapenean eta errendimenduan arazoak dituztelako, seme-alaben portaera arazoengatik, seme-alaben kontsumo goiztiarrengatik eta abar".
Landuko dituzten edukiak honakoak dira:
- Familiaren egitura: mugak argitu, arauak adostu, azpisistemen arteko aliantza egokiak sendotu.
- Komunikazioa: adierazteko, entzuteko, desberdintasuna onartzeko gaitasuna landu.
- Gurasotasun positiboa: gurasoak ahaldundu seme-alabei nortasunaren bilaketan eta autonomiaren eraketan lagundu ahal izateko.
- Bizikidetasuna: bikote arteko desberdintasunak seme-alabengan ahalik eta gutxien islatzea.
- Lotura afektiboa: atxikimendua, lehentasunak, itxaropen zapuztuak eta konfiantza galtzea.
- Familiak ahalduntzea: porrota bezalako sentimenduak gainditzeko.
Kulturateko Biteri gelan egingo dituzte saioak, seme-alaben adinaren arabera, bi taldetan banatuta: 3-10 urteko seme-alaben guraso taldea (martitzenetan, 17:00etik-18:30era) eta 11-16 urte bitarteko seme-alaben guraso taldea (martitzenetan, 18:45etik-20:15era).
Izen emateko bi bide daude: Gizarte Zerbitzuetara deitu (943 25 20 07) edo prebentzio@arrasate.eus helbidera idatzi, urtarrilaren 28a baino lehen.
