Kosmetika naturalaren ikastaroak otsailaren 2an, 9an, 16an eta 23an egingo dituzte, 17:00etatik 19:00etara, Ekoudalatxen eskutik. Prezioari dagokionez, 100 euro ordaindu beharko da (bazkideek, 95 euro).
Grabatua lantzeko saioak, berriz, otsailaren 3an, 10ean, 17an eta 24an izango dira, 17:00etatik 19:00etara. 70 euroko prezioa izango du ikastaroak (bazkideek, 65 euro). "Artelanak ezagutuz, jakintzak elkarbanatuz eta irudiak sortzeko modua praktikara eramanez lan egingo dugu", azaldu dute.
Saio guztiak Ekin Emakumeak Elkartearen lokalean egingo dituzte, Pablo Uranga kaleko 5 zenbakian, behean.
'Yogaterapia' ere bai
Bestalde, emakumeendako Yogaterapia ikastaroak ere egingo dituzte, otsailaren 2an, 9an, 16an eta 23an eta martxoaren 2an, 18:30etik 20:00etara, Itziar Perezen eskutik. Bazkide ez direnentzat 55 euroko prezioa izango da eta bazkideentzat, 50 eurokoa.
