Tinko lurrean diskoa aurkeztuko dute bizkaitarrek. Bertako "langileriarekin lerrokatuta" egon den taldea dela diote. Hala, horrela definitzen dute beraien burua: "rocka zainetan, punka izaeran eta borroka bihotzean".
Ibilbide luzea dauka taldeak, eta disko asko bizkarrean. Hala ere, ez dute inoiz taldea lehentasun izatea nahi izan, eta horregatik etenaldi luzeak egin dituzte. Azkena, bizpahiru urtetakoa. Orain, pandemia erdian, disko berriarekin bueltan datoz, eta hori aurkeztuko dute Arrasateko gaztetxean.