Urtarrilaren 4an, 18:15ean eta 19:15ean, Irrien Lagunen ikuskizuna izango da, bestalde. Aurretik, hilaren 2an, Naturan Jolasean ekimena egingo dute Monterronen.
9 urtetik gorako haur-gaztetxoentzako, berriz, GazteEkin ekimena izango da gaztetxean eta gaztegunean, askotariko ekintza eta tailerrekin: sormen gunea, parkour gunea, ihes-bidea, jolas gunea eta sexualitate eta bideogintza tailerrak izango dira. Ekintzok ere edukiera muga izango dute, eta pertsona bakoitza hiru ekintzatan apuntatu ahalko da gehienez.
Informazioa emateko eta sarrerak saltzeko mahaia jarriko du Txatxilipurdik bihar, eguaztena, 18:00etatik 20:00etara eta etzi, eguena, 11:00etatik 13:00era, Biterin. Txikilandia eta GazteEkin egunetan Uarkapeko leihatilan eskuratu ahalko dira sarrerak. Edukiera mugak direla-eta, umeei lagun egitera doazen helduak ahalik eta gutxien izatea eskatu dute Txatxilipurditik.
