Arrasateko erakusleihoak, Gabonetarako apainduta

Aurten ere Gabonen testuinguruan apaindutako establezimenduetako erakusleihoen lehiaketa egin dute Arrasaten. 26 izan dira ekimenean izena eman eta lehiaketan parte hartu duten herriko komertzioak. Domekara arte egon da bozka emateko aukera, eta gaur emango dira jakitera saridunak; sei sari banatuko dira, lau epaimahaiko kide diren Ibai-Arteko ordezkari batek, diseinuan aditu batek eta Udaleko ordezkari batek erabakiko dituzte, eta gainontzeko biak, aldiz, herritarren bozkaren bidez erabakiko dira.