Hegoaldeko emakumearen eta bereziki Kubako emakumearen irudiaren gaineko gogoeta egiteko beharretik sortutako proiektuaren emaitza da, eta zortzi paneletan jaso dute hori.
Iraultzaren garaipenaren ondoren emakume kubatarrek izan duten garrantzia eta horien garapen maila erakutsi gura dira erakusketaren bitartez; baita emakumeek izan duten paper garrantzitsua gizartearen bilakaeran eta eskubideen eta aukeren berdintasuna lortzeko borrokan ere. Era berean, sistema patriarkal kapitalistaren herentziatik urrun dagoen gizarte baten eta, bereziki indarkeria matxistatik aske dagoen gizarte baten eraikuntzan egindako lana jaso dituzte.
1960ko abuztuan sortutako Emakumeen Federazio Kubatarrak (FMC) 14 urtetik gorako emakume kubatar gehienak biltzen ditu bere baitan; ondorioz, lau milioi baino gehiago daude. Horrek egiten duen lana ere agerian uzten du erakusketak.
