Ez zen elkarren kontra jokatzen zuten lehen aldia, eta txapelketako irabazle Jon Orbegozok aitortu du Magallanesen hutsuneak bilatzen saiatu dela: "Badakit Aitor ze mailako jokalaria den, abiadura handia ematen dio pilotari eta banekien kosta egingo zitzaidala hari irabaztea. Kostata, baina lortu dut txapela janztea", adierazi du finalaren ondoren. Magallanes, bestetik, pozik zegoen finalean erakutsi duten mailarekin, eta txapelketak eman duenarekin: "Esango nuke Arrasaten tenisa sasoi onean dagoela, txapelketan 20 lagunek hartu dute esku eta kopuru polita da, bazirudien pandemia tarteko zailtasunak izango genituela txapelketa amaitu ahal izateko, baina lortu dugu, horrenbestez, pozik".
