Hemezortzi urte daramatza Txatxilipurdik (2003tik) Gabonen bueltan jostailu truke azoka antolatzen. Duela aste batzuk hasi ziren, besteak beste ludoteketan, etxean erabiltzen ez zituzten jostailuak batzen. Trukean tiketak jaso zituzten haur eta gazte horiek, eta tiket horiek ondo baino hobeto xahutu dituzte gaur Biterin, emandakoaren ordaina jasotzeko eguna zen gaurkoa, jostailu berriak hartzeko eguna. Denak zeuden Txatxilipurdiko lagunek azoka noiz zabalduko zain, eta zapi bat erretiratuta bistaratu dituzte jostailuak. Hor hasi dira gaztetxoak aukeraketa egiten.
