Tenisari dagokionez, bi finalerdiak jokatzeke daude oraindik, eta horietako irabazleak izango dira finalean. Batetik, Sebas Sierrak eta Aitor Magallanesek neurtuko dituzte indarrak eta, bestetik, Odei Sierrak eta Jon Orbegozok.
Padelean, berriz, bikote bat dagoeneko sailkatuta dago finalerako: Jorge Aranes eta Patxi Vallejo. Bestalde, finalean leku bat izateko borrokan ariko dira Gari Barrutia eta Gorka Egizabal batetik, eta Xabi eta Carlos Odriozola anaiak, bestetik, egubakoitzean jokatuko duten partiduan.
Arrasate Kirol Elkartetik herritar guztiak animatzen dituzte partidu horietaz gozatzera. "Bertaratutakoei gogorarazi, pandemia dela eta, horrelako gertaeretarako ezarritako jarraibideak jarraitu beharko direla: musukoa, kiroldegian sartzeko Covid pasaportea eta distantzia egokia".
