Arima hirukote bizkaitarra, bihar, Arrasateko gaztetxean

Arima taldeak kontzertua egingo du bihar Arrasateko gaztetxean, 22:00etan hasita, Kooltur Ostegunen baitan. Paule Bilbao musikaria buru duen hirukoteak Biluztasunez jantzita eta Metamorphosis lanak kaleratu ditu 2019an formazioa osatu zutenetik. Shoegazearen, post-rockaren eta post-punkaren bueltan aritzen dira, Ama Say taldeko bateria-jole izandako Gontzal Bilbaoren eta Josu Gonzalez baxu-jolearen erritmoari jarraituz. Sarrera zazpi euro da.