Bihar jokatuko dituzte lehiaketa nagusietako azken faseak bai Nazioarteko Lehiaketan eta bai Gipuzkoako Lehiaketan. Gaur, aldiz, ikasle gazteen txanda da eta hiru aretotan dihardute; Amaia antzokian, Kulturaten eta Arizmendi ikastolan. Guztira, 146 bat akordeoilari gaztek dihardute jaialdirako prestatutako piezak aurkezten.
09:15ean hasi dira Gipuzkoako jaialdiko emanaldiak horretarako gertatutako hiru aretoetan. Lurralde osoko akordeoi ikasleak gerturatzen dira bertara eta hitzordu garrantzitsua izaten da nork bere maila erakusteko. Harrobiko soinu-joleentzat erakusleiho eta jendaurreko esperientzia garrantzitsua izaten da, baita ere gainerakoen maila ikusteko.
Gipuzkoako jaialdiak izango du sari banaketa ekitaldia. 19:00etan izango da, gaur, Amaia antzokian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
