"Tradizio onen aldekoak, gure balioak finkatzen laguntzen dutenen aldekoak, eta batez ere, merkataritza solidario eta jasangarriaren aldekoak garelako egiten dugu lan Aspacerekin. Azken finean, gure erosketetan gizarte- eta ingurumen-irizpidea lehenetsi nahi dugu. Inork ezin die guztiei lagundu, baina denok lagun diezaiokegu norbaiti", diote merkatarien elkartetik.
Sustrai Fruta Dendak egindako 50 otarreak honako produktu hauekin osatuta daude: anana natural bat; Fruites Font errege-sagarra; Champion Frutas Ponti konpotarako udareak; Rajope aranpasak eta mertxika-orejoiak; Miau hegaluzea; Soto Segurako mazapana; El Encierro markako Nafarroako zainzuriak; Nafarroako artisau-pikillo piper estra; Goya turrioa; Antonio Anaut polboroiak; melokotoi estra almibarrean; % 100 tempranillo ondua, Javier Besa; Codorniu Natur; sekretu iberikoaren patea; Oñatiko Gezaltza baserriko gazta; El Coto Ramos de Guijuelo markako txorizo iberikoa eta saltxitxoia.
Zozketan parte hartzeko, hainbat bide daude: "Arrasaten erosi beharko da Arrasate Txartelarekin, erosketa-txartel baten argazkia bidali 688 73 41 49 WhatsApp zenbakira edo gure Instagram edo Facebookeko kontuetan partekatu gure zozketako argitalpenak".