Ordubete inguruko emanaldia izan da eta segurtasun neurri guztiekin egin dute kontzertua. "250 sarrera jarri genituen, badaezpada, lerro bakoitzean bost pertsona jarriz, eta ia guztiak agortu dira", azaldu du Edorta Aiastui Arrasate Musikaleko kideak. Gaineratu du, azkenaldian talde txikietan funtzionatu ostean, talde osoa elkartzeko gogotsu zeudela bandako kideak ere, eta asko disfrutatu dutela gaurko saioa.
Hau izan da egitaraua:
- El Embrujo de Ana-------------------------------------------- Rafael Domenech
- Ross Roy---------------------------------------------------------Jacob de Haan
- Miss Saigon-----------------------------------------------------.C.M. Schonberg
- A tribute to Michael Jackson. -------------------------------M. Jackson
- Arrasate Musikal------------------------------------------------Juan Arzamendi
27 urte ditu bandak
Arrasate Musikaleko Banda Jose Ramon Vitoriak sortu zuen 1994an, "hiriaren behar kulturalei erantzuteko". Ordutik haziz joan da, bai partaide kopuruan eta baita urtero eskaintzen dituen ekitaldi kopuruan ere. Geroago, Eduardo Arzamendik, Jose Ramon Elkorok eta Iker Olazabalek egin dituzte zuzendari lanak, eta gaur egun Mikel Markiegi da bandako zuzendaria.
