Arrasateko punk-oi! mugimenduaren bueltan sortu diren taldeen zerrenda luzeari beste izen bat gehitu behar zaio: Kontralde. Hala bazan saioko bideo-in-kesta bateko erantzun xelebrean inspiratu dira 112, Rebel Noise eta Bloom taldeetako zenbait kide eratu berri duten laukoteari titulua jartzeko. Horietako bat da Mikel Bolinaga gitarra-jolea, eta aipatu du "ezagutzera emateko asmoz" hitzartu dutela zapatu gauekoa: "Bloom bukatu zenean abesti batzuk neuzkan bueltaka, eta proiektu berri bat osatu nahi zuten musikariekin berba egin ostean hasi ginen batzen eta entseatzen".
Beraz, abesti propioak eta bertsioak joko dituzte, Rebel Noiseren antzera. Azken horiek ilusioz gainezka dauden musikari gazteak dira, oholtzetan esperientzia dezente pilatzen dabiltzanak, bailaran zehar makina bat kontzertu jo baitute.
Eta hirugarren talde gonbidatua Iruñeko Sustrai Berriak da. Garun setiatuak bigarren diskoko kantak eskainiko dituzte, besteak beste.
