'Nik sinisketan dotzut, eta punto' lelopean, elkarretaratzea egingo dute Arrasaten azaroaren 25ean

2019ko azaroaren 25ean egindako manifestazioko irudia.

Emakumeen Kontrako Indarkeriaren Nazioarteko Egunaren harira, Arrasateko Emakume Txokoak eta Mugimendu Feministak egitarau berezia antolatu dute elkarlanean. Azaroaren 25ean bertan elkarretaratzea egingo dute Seber Altuben eta abenduaren 2an indarkeria eta biolentzia mota desberdinak ikusarazteko irakurraldia antolatu dute.

"Emakumeek pairatzen dituzten egoeren inguruan herritarren kontzientziazioa eta sentsibilizazioa areagotzea" nahi izan dute aurten ere azaroaren 25era begira antolatutako ekintzetan. Nik sinisketan dotzut, eta punto lelopean, zalantzan jarritako emakumeen kontakizunei eta isildutako bizipenei ahotsa eman gura izan diete. Era berean, indarkeria matxistaren aurrean konpromiso kolektiboa eta indibiduala sustatzean jarri dute indargunea.

Elkarretaratzea eta irakurraldia

Azaroaren 25ean, 19:00etan, Seber Altube plazan elkarretaratzea eta ekitaldia egingo dituzte eta antolatzaileek arrasatear guztiei dei egin diete. Bestetik, abenduaren 2an, 19:00etan, Kulturateko klaustroan Nik sinisten dizut irakurraldi kolektiboa egingo dute, emakumeen aurkako indarkeria eta biolentzia mota desberdinak ikusarazi, eta emakumeen bizipenak aitortu eta erreparaziorako bidean jarraitzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.