Jon Torres bigarren sailkatu zen kumite modalitatean, 55 kiloz azpiko kategorian. Iosu Madinabeitia ere bigarren sailkatu zen, kumite modalitatean, 21 urtez azpikoen kategorian (-67 kg). Espainiako 60 kiloz azpiko txapeldunaren aurka galdu zuen finala (bi pisuak nahastu zituzten), beraz, "urre zaporea" duen zilarra da Madinabeitiarentzat. Bestalde, kata modalitatean ere bigarren pukatu zuen.
Bestalde, Xavier Varteniuc karatekak hirugarren bukatu zuen kadete mailako kumite modalitatean, 52 kiloz azpikoetan. Danel Izurrategik ere hirugarren postua eskuratu zuen kadete mailako kumite modalitatean, 63 kiloz azpikoetan. Azkenik, Aratz Ezpeletak ere brontzezko domina irabazi zuen kadete mailako kumite modalitatean (+70kg).
Carlos Sanchez entrenatzailearen esanetan, "emaitza onak" dira. "Orain hautatzaileen erabakiaren zain gaude, ea gure taldekideren bat Espainiako Karate Txapelketa lehiatzeko aukeratzen duten". Azaroaren 26tik 28ra jokatuko dute txapelketa hori.
![](https://goiena.tok-md.com/argazkiak/lXu/cache/image2_tokikom_700x700.jpeg)
![](https://goiena.tok-md.com/argazkiak/NhC/cache/image4_tokikom_700x700.jpeg)
![](https://goiena.tok-md.com/argazkiak/zpU/cache/image6_tokikom_700x700.jpeg)