Mikel Apraiz boluntario arrasatearra astebetez izan da La Palman. Zehazki, Gurutze Gorriak zabaldutako operatiboan laguntzeko joan da Apraiz beste gipuzkoar batekin batera, eta Larrialdietako Berehalako Erantzuna Emateko Taldean ibili da.
Askotariko lanak egiten dituzte, hala nola familiei beren gauzak ateratzen lagundu, teilatuak eta etxebizitzetarako sarbideak garbitu, kaltetutako herritarrak artatu... Sumendiak botatako errautsa garbitzen ere aritu da arrasatearra; izan ere, 15 zentimetroko errauts geruza batek metro bateko elur geruza batek beste pisatzen du, eta hori arriskutsua da teilatu eta terra-zetan, pisuak eraginda eraitsi egin baitaitezke.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.