Alex Gurrutxaga: "Euskadi Literatura Saria garrantzitsua izan da, baina are eta bereziagoa egin zait inguruko jendearen erantzuna"

Xabier Lete. Aberriaren poeta kantaria lanak eskuratu du 2021eko Euskadi Literatura Saria euskarazko saiakera atalean. Alex Gurrutxaga da egilea, eta Xabier Leteren ibilbide pertsonala zein artistikoa ditu oinarri. Ohiko prosa akademikotik urruntzeko saiakera egin du Gurrutxagak, eta bere doktore tesian jasotakoak modu dibulgatiboagoan plazaratzeko saiakera izan da lana. EHUko irakaslea, literatura kritikaria eta askotariko hedabideetako kolaboratzailea da. Gurera etorrita, Arrasateko Bibliotekako irakurketa taldeko gidaria da.