Herritarren aldetik sinadura mahaiak auzoetan jartzeko eskaera dagoela azaldu dute plataformako kideek eta, ondorioz, sinadura kanpaina luzatzea erabaki dute. Hala, datorren astean auzoetan jarraituko dute sinadurak jasotzen eta mahaietan boluntario lanak egiteko deialdia egin diete herritar guztiei. Horretarako, EraginArrasate@gmail.comhelbidera mezu bat bidali beharko da, datu hauekin: izen abizenak, telefono zenbakia, auzoa eta nahi duten ordutegia.
Auzoetako boluntario taldeak osatzeko epea astelehenean bukatuko da eta hurrengo egunetan mahaien egutegia eta ordutegia zabalduko dute. "Sinadura bilketa auzo guztietara heltzeko helburua daukagu baina zuen laguntza behar dugu helburu hau lortzeko", nabarmendu dute.
Era berean, komertzio edo tabernei ere egin diete deialdia, sinadura orria jartzeko. Horretarako, EraginArrasate@gmail.comhelbidera mezu bat bidali beharko da, datu hauekin: komertzioaren izena eta sinadura orri kopurua.
Jakitera eman dute, azkenik, Facebook, Twiter eta Instagram sare sozialetan aktibo daudela: eraginArrasate.
