Udalak honako sinopsia igorri du filmaren inguruan: "Filma 1985ko Euskadin dago kokatua. Eskola amaitu da, azkenean iritsi dira opor-egunak. Marcosek eta bere hiru lagunek, Jose Antoniok, Pakitok eta Tonik, udaren etorrera espero dute, batez ere uda oparoa, 12 urterekin ez baitu axola ez non, ez noiz, ez nola. Bizitzak ekarri dien labirintoan egingo dituzte orduak, antzinako Euskadi borrokalari, nahaspilatsu batean. Horma grafitierazko labirintoa, non gomazko pilotak eta askatasun-ametsak errebotatzen dituzten; kooperatibetan prefabrikatutako zeru gris batez estalia, non heriotzak eta bizitzak jada ez duten harreman formalik".
Arrasatearrak zuzendutako pelikula estreinaldiaren egunean bertan proiektatuko dute Amaia antzokian, barikuan, 19:30ean. Ordu berean hasiko dira domekako, asteleheneko eta martitzeneko proiekzioak, baita hilaren 6ko eta 8koak ere. Azaroaren 2an, gainera, Gomezekin solasaldia egiteko aukera egongo da pelikularen amaieran.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak