Arrasateko alderdi sozialistak elkartasuna adierazi dio Victor Fuentes Obra, Zerbitzu, Mantentze eta Auzoetako zinegotzi eta udal talde sozialistaren bozeramaileari, "Arrasateko kaleetan zinegotziaren argazkia duten pegatinak agertu ondoren, 'censuritas', 'mozalik ez', eta 'PSOE lotu cespaloak' esaldiekin, Cespa kale-garbiketako enpresari erreferentzia eginez, zeinak kaleko pintadak kentzen baititu".
Era berean, alderdiak eskerrak eman dizkio Fuentesi, "Arrasateko irudia, garbitasuna eta bizi-kalitatea hobetzeko" lanean aritzeagatik. "Are gehiago, Arrasatez harro senti gaitezen lan egiten du. Bere erronka pintaketak eta kartelak kentzea da, herriko arazo bihurtu baita, fatxadak zikindu eta hondatzen dituztelako. Gainera, ondare historiko eta kulturala babestearen garrantzia aldarrikatu du, ez galtzeko eta babesteko".
Azkenik, PSE-EEk esan du Fuentesen aurkako "kanpaina onartezina” dela eta "antidemokratikotzat" jo ditu "iraindu eta seinalatu" nahi dituzten jarrera horiek.
