Europako Kontseiluak sustatutako Ondarearen Europako jardunaldien baitan antolatutako ekitaldia izan zen; aurtengo leloa izanik Ondare inklusiboa eta irisgarria.
Maite Urreta, Beñat Barrutia, Manel Iñarra, Aritz Limia, Mireia Biain, Haimar Andres, Juan Mari Bergaretxe, Esther Arregi, Aintzane Kintana, eta Mikel Mulas izan ziren agertokira igo ziren ikasleetako batzuk. Lagun izan zituzten Olaia Ramos, Edorta Aiastui, edota Domentx Ucin irakasleak. Izan Suziki taldea eta Ziolako Gaiteroak eta Taldea ere ekitaldian izan ziren.
Batzen kantuak elkartu zituen musika eskolako kide gehien. Hain zuzen ere ikasle eta irakasle ugari igo ziren agertokira Jose Ramon Vitoriak konposatutako pieza eskaintzeko.
Perkusioa, gitarra, pianoa, kutxa, biolinak eta bandako askotariko instrumentuak entzun ahal izan ziren emanaldian.
Nola ez, inklusioa aldarrikatu zuten ekitaldian.
