Giza Bibliotekaren laugarren aldi honetako protagonistak Iñaki Peña, Jesusi Etxebarria, Luciana Alfaro, Yanina Choque, Josu Tornay, Amaia Arroyo eta Naiara Gorroño izango dira. Hala, izena ematen dutenek aukeratzen duten pertsonaren kontakizunen berri izan-go dute, hamabost minutuz. Banaka edo binaka parte har-tzeko aukera egongo da, eta izena emateko hiru modu daude: Udal Bibliotekaren webgunearen bidez, telefonoz (943 25 20 25) eta Kulturatera bertara gerturatuta. Bibliotekaren Egunarekin lotuta dago saioa.
Ingelesezko literatur solasaldiak ere prest
Ingelesa praktikatzeko aukera ona egongo da azaroaren 2tik aurrera Kulturaten. Izan ere, egun horretan hasiko dute Literary gatherings izeneko jarduera; ostegunero egingo dute, 18:30eatik 20:30eara.
Euskaraz eta gazteleraz egin ohi diren saioen antzekoak dira, helburua aldez aurretik irakurritako liburu bat edo ikusitako pelikula bat komentatzea izanik. Taldean elkartuta egingo dira solasaldiak, eta hiztun natibo batek bideratuta. Irakurmena, entzumena eta ahoskera lantzeko ere aproposa da zita. Gainera, Kulturatetik adierazi dute ez dago zertan ahozko maila altua izan behar, aukerakoa baita hitz egitea.
Oraindik plaza libreak daudenez, antolatzaileek herritarrak parte hartzera animatu nahi dituzte. Izena emateko, bibliotekara gerturatu edo Internet bidez egin daiteke. Hona hemen egitaraua:
