Zentro berri bat irekiko dute Uribarri auzoan (Uriburu, 27) eta egubakoitzean emango dute elkartearen berri. "Kontzientziaren esnatze prozesuan elkar laguntzeko" komunitatea sortu gura dute eta horretarako ekintza integratzaileak antolatuko dituzte, gorputza, burua eta arima lantzeko. Kulturateko Jokin Zaitegi gelan izango da aurkezpena, urriaren 22an, 18:30ean.
Elkartera batzeko deia egin diete herritarrei eta horretarako bi aukera daudela nabarmendu dute. Batetik, ekintza bazkide moduan, antolatzen dituzten ekintzetan parte hartzeko eta norbere ekintzak, hitzaldiak edo ikastaroak egiteko gela bat erreserbatzeko aukerarekin. Bestetik, zentroko bazkide moduan, aurretik aipatutakoaz gain, giltza propioa eta espazio pribatu batean sartzeko aukerarekin.
