Urriaren 27an, eguaztena, ikasturte hasierako Herri Batzarra egingo du Arrasateko EH Bilduk, Bilgunean, eta II. Kongresuaren baitan, "erronka garrantzitsuak" dituztela azpimarratu dute, "nazio, herrialde zein herri mailan", eta horiek guztiak herritarrekin partekatzeko gogoz antolatu dute saioa. Hala, koalizioak bertaratzeko gonbidapena egin die herriko Bilkide eta jarratzaile guztiei.
Bilgunean egingo dute saioa (Pablo Uranga, 8), 18:30ean hasita eta bi ildo nagusi izango ditu. "Bata, nazio mailako eta Gipuzkoako Plan Politikoa, EH Bilduko programa politikoaren arduradun Pello Otxandianok aurkeztuko diguna. Bestea, Arrasateko EH Bilduren egungo erronkak, herriko udalgintzako eta herrigintzako kideekin batera aztertuko ditugunak", azaldu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak