Gipuzkoako Foru Aldundiak Europar Batasunarekin lankidetzan antolatzen ditu jardunaldi horiek eta aurtengo leloa hau da: Ondare irisgarria eta inklusiboa.
Jardunaldi horien baitako emanaldia izango da Arrasate Musikalek eta Arrasateko Udalak elkarlanean antolatu dutena. "Arrasate Musikaleko ikasleek kontzertu hunkigarri eta berezia egingo dute", dio Edorta Aiastui ekintza arduradunak. "Aipatu beharra dago Arrasate Musikalek inklusibitate egoerak urteetan eskaini izan dituela bertako taldeen artean. Besteak beste, oso ezaguna den Errementari Dantzan inklusibitatea nabarmentzen da, hezkuntza anitzeko ikasleak ere parte hartzen dutelarik".
