Euskadiko senior ligako estreinaldiko norgehiagoka izan zuen atzo, zapatua, Mugarri-Ingou Arrasatek, eta ezin izan zion denboraldiari emaitza positiboarekin ekin. Izan ere, Arrasateko taldeak 16-27 galdu zuen, Ereintza Beissier taldearen aurka, Iturripen. Urnietako taldea gehiago izan zen erasoan, eta moreek ezin izan zuten defentsan eutsi.
Oraindik, lehenengo jardunaldiko atzeratutako norgehiagoka jokatzeke du Mugarri-Ingouk, Deusto-Loiolaren aurka.