Urriko hirugarren zapatuarekin batera Bertako Produktuen Azoka dator; Seber Altube plazan egingo da ohi legez, 09:00etatik 14:00etara. Sagar garaia dela aitzakia hartuta fruitu horixe izango da nagusi oraingoan.
Ohiko ekoizleak elkartuko dira eta horiek lagun izango dituzte bertako sagar barietateak dituzten beste bi: Aramaioko Likiniao baserriko Angel Mari Padilla eta Ezkio Itsasoko Ariztizabal baserriko Eneko Solana.
Era berean, azokako ekoizleek ere edukiko dituzte salgai sagarra eta sagarrarekin egindako produktuak.
Gainera, sagar produktuekin osatutako hamar saski zozketatuko dituzte 13:30ean, azokako bezeroen artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.