GI-2630 errepidean, Olandixoko tunelean egiten ari den lanen ondorioz sortutako trafiko arazoen berri eman dio Arrasateko Udalak Gipuzkoako Foru Aldundiari, "konponbidea bilatuz elkarlanean, herritarren erosotasuna eta segurtasuna bermatuz".
Lanak horiek "segurtasunez" egiteko, "beharrezkoa" da errei bat ixtea. "Orain arte Aldundiak jarraitu duen prozedura norantzetako bat itxi eta trafikoa herritik desbideratzea izan da. Aurrez, txandakako pasoa ezarri zen semaforo bidez. Zenbait gidarik ez zuten errespetatzen semaforoa, ordea, eta sortzen zituen segurtasun arazoen ondorioz, bertan behera utzi zen neurria", azaldu du Arrasateko Udal Gobernuak.
Hori dela eta, bi aldeek adostu dute txandakako zirkulazioa, semaforoekin ordez, langileekin egite. "Era honetan, ibilgailuak bere txanda errespetatzea bermatuko da, eta pasoa semaforoekin baino era eraginkorragoan kontrolatuko da". Pobaldia aztertu ostean, trafikoan izango duen eragina neurtuko dute, "eta emaitza ona balitz, datozen artapen egunetan jarraipena emango zaio".
