Gaurko egunez fusilatu zituen Francoren erregimenak Juan Paredes Manot Txiki zarauztarra eta Angel Otaegi azpeitiarra ETAko kideak, eta haiekin batera FRAPeko kide Jose Humberto Baena, Jose Luis Sanchez Bravo eta Ramon Garcia Sanz.
Hala, fusilamenduen urteurrenean, "Euskal Herria askatzeko eginiko ahalegina beren bizitzarekin ordaindu zutenak" oroitu dituzte. Honakoa adieraziz, "aurrera egin ahal izateko oroitzea ezinbestekoa da; nora goazen jakiteko, nondik gatozen jakitea ere funtsezkoa zaigulako".
Agurtzane Arregi Letamendi oroituz
Memoria zati bati lekua ere egin diote Monterroneko ekitaldian. Hain zuzen ere, Agurtzane Arregi Letamendiren senideak izan dira ekitaldian, eta Agurtzane zein zen kontatu dute, nolakoa zen, eta, baita, 1978ko uztailaren 2an, A Hirukoitzak Agurtzane nola hil zuen testuingurua kontatu dute. Horrekin batera, Agurtzane Arregiren senideek oraindik ez dute la aitortzarik jaso ere aldarrikatu zuten.
Ekitaldi amaieran, Euskal Herria euskalduna, feminista eta sozialista eraikitzeko borrokan eta lanean jarraituko dutela adierazi dute.
