Espainiako Gobernuari Unai Paroten eskubideak errespeta ditzala eskatzeko zapaturako antolatutako martxa ez du debekatuko Auzitegi Nazionalak ere. Justicia y Dignidad elkarteak Auzitegi Nazionalean jarritako helegitearen ostean dator erabakia. Epailearen eta Fiskaltzaren argudio nagusia izan da "oraingoz ez dagoela elementurik gertakariak balizko deliturik izan ote daitezkeen zehazteko". Era berean, Calama epaileak eskatu dio poliziari gertutik zaintzeko martxa, "terrorismoaren gorazarrerik" egon den eta biktimak edo haien senideak mindu edo gutxietsi diren jakiteko.
Sareren agerraldia bihar
Sare herritarrak eta Sare Arrasatek bihar goizean egingo dute agerraldia komunikabideen aurrean: "Zapaturako deitutako martxaren baitan sortutako nahasmen, eta gatazka dela eta gure irakurketa eta erabakien berri emango dugu".
